پاکستان کے سابق وکٹ کیپر بلے باز کامران اکمل نے بابر اعظم کے والد اعظم صدیقی کو سوشل میڈیا پر تنقید کرنے پر تنبیہ کی ہے کہ وہ اپنی حدود میں رہیں۔ یہ واقعہ اس وقت پیش آیا جب اعظم صدیقی نے کامران اکمل کی ایک پرانی تصویر شیئر کرتے ہوئے ان پر تنقید کی۔ انہوں نے کیپشن میں لکھا کہ کامران اکمل بابر اعظم کی کپتانی میں صفر پر آؤٹ ہوئے، جبکہ بابر نے اس دن سنچری اسکور کی۔
کامران اکمل نے اس پوسٹ پر ردعمل دیتے ہوئے اپنی انسٹاگرام اسٹوری پر کہا کہ اعظم صدیقی کی پوسٹ نامناسب تھی اور انہیں اپنی حدود میں رہنا چاہیے۔ انہوں نے مزید کہا کہ ہر بار خاموش رہنا کوئی آپشن نہیں، خاص طور پر جب جھوٹی کہانیاں پھیلائی جارہی ہوں۔
اس سے قبل، کامران اکمل نے محمد رضوان اور بابر اعظم کو ٹی20 انٹرنیشنل میچز سے ڈراپ کرنے کے فیصلے کی حمایت کی تھی، جو اعظم صدیقی کو پسند نہیں آیا تھا۔
کامران اکمل نے اپنی انسٹاگرام اسٹوری میں کہا کہ وہ ہمیشہ حقائق کے مطابق بات کرتے ہیں اور کسی کی ذاتی
زندگی یا عزت کو نقصان پہنچانے کی نیت نہیں رکھتے۔
