جنوبی کوریا کی پارلیمنٹ نے چند دنوں کے دوران قائم مقام صدر ہان ڈک سو کے خلاف مواخذے کی قرارداد منظور کر لی۔
غیر ملکی میڈیا کے مطابق، جنوبی کوریا کی اپوزیشن جماعتوں نے قائم مقام صدر کے خلاف یہ قرارداد پیش کی، جسے پارلیمنٹ نے کثرت رائے سے منظور کیا۔
قائم مقام صدر ہان ڈک سو نے اپنی جماعت سے تعلق رکھنے والے سابق صدر یون سک یول کے خلاف آئینی ججوں کی تقرری سے انکار کیا تھا، جس پر اپوزیشن نے مواخذے کی تحریک لانے کا فیصلہ کیا۔ اپوزیشن کا مطالبہ تھا کہ دو آزاد تحقیقاتی ادارے سابق صدر کے مارشل لا اور خاتون اول کے مبینہ رشوت کے معاملات کی تحقیقات کریں۔
یہ پہلا موقع ہے کہ جنوبی کوریا میں کسی قائم مقام صدر کے خلاف تحریک عدم اعتماد منظور کی گئی ہے۔ ہان ڈک سو، جو جنوبی کوریا کے وزیراعظم بھی ہیں، کے خلاف یہ اقدام اپوزیشن کی طرف سے اٹھایا گیا۔
واضح رہے کہ جنوبی کوریا میں اپوزیشن نے سابق صدر یون سک یول کے مارشل لا لگانے کے فیصلے کے خلاف بھی دو تحریکیں پیش کی تھیں، جن میں سے پہلی تحریک ناکام ہوئی، مگر دوسری تحریک کامیاب رہی جس کے نتیجے میں صدر یون کو عہدہ چھوڑنا پڑا۔
