ڈونلڈ ٹرمپ امریکی تاریخ کے سب سے امیر صدر بن گئے ہیں، جن کی دولت جون 2024 تک 21 کھرب 40 ارب روپے (7 ارب 70 کروڑ ڈالر) تک پہنچ گئی ہے۔ بلومبرگ بلینیئرز انڈیکس کے مطابق ٹرمپ نے اس میدان میں جان ایف کینیڈی کو پیچھے چھوڑا ہے، جن کی دولت 1 ارب 30 کروڑ ڈالر تھی۔ ٹرمپ کی دولت میں گولف کورسز، اعلیٰ رہائشی جائیدادیں، شراب خانے اور 1991 کا بوئنگ 757 شامل ہے، جسے وہ “ٹرمپ فورس ون” کے طور پر جانتے ہیں۔
ٹرمپ امریکی تاریخ میں واحد صدر ہیں جنہیں دو بار کانگریس کی جانب سے مواخذے کا سامنا کرنا پڑا۔ گارڈین کی رپورٹ کے مطابق، ٹرمپ کو تاریخ کا بدترین امریکی صدر قرار دیا گیا۔ اس کے باوجود، وہ دوبارہ صدر بننے میں کامیاب ہوئے اور اپنی اقتصادی کامیابیوں کے ذریعے عالمی سطح پر توجہ کا مرکز بنے رہے ہیں۔
ٹرمپ، جو 20 جنوری 2025 کو 78 سال 221 دن کی عمر میں حلف اٹھائیں گے، امریکی تاریخ کے بوڑھے ترین صدر بننے کا اعزاز بھی حاصل کر رہے ہیں۔ ان سے قبل جو بائیڈن نے 78 سال 61 دن کی عمر میں صدر کا عہدہ سنبھالا تھا۔
ٹرمپ کا سفر ایک بزنس مین، رئیل اسٹیٹ ٹائیکون اور رئیلٹی ٹی وی اسٹار سے شروع ہوا، اور وہ ملک کے پہلے صدر بنے جنہیں مجرم قرار دیا گیا۔ فوربز کے مطابق، ٹرمپ کی کامیابیوں اور تنازعات نے انہیں امریکی سیاست کا ایک متنازعہ لیکن اہم شخصیت بنا دیا ہے۔
اس دوران ان کی کاروباری زندگی نے انہیں اقتصادی کامیابیوں سے نوازا، جبکہ ان کی سیاسی زندگی اور متنازعہ فیصلوں نے انہیں عالمی سطح پر ایک متنازعہ شخصیت کے طور پر متعارف کرایا۔
