اسرائیلی فوج نے منگل کی صبح بیت الہیہ شہر میں بمباری کی، جس کے نتیجے میں 93 فلسطینی جان بحق ہوگئے۔
عرب میڈیا کے مطابق، اسرائیلی فوج نے دوبارہ بیت الہیہ شہر کی رہائشی عمارتوں پر بمباری کی، جس کے نتیجے میں اب تک 93 فلسطینیوں کی شہادت کی تصدیق ہوئی ہے۔ ہلاکتوں میں مزید اضافے کا خدشہ بھی ظاہر کیا جا رہا ہے۔
رپورٹس میں بتایا گیا ہے کہ اس حملے میں شہید ہونے والوں میں خواتین اور 17 کم عمر بچے شامل ہیں۔ علاوہ ازیں، متعدد افراد عمارت کے ملبے تلے دبے ہوئے ہیں جنہیں ریسکیو حکام نکالنے کی کوشش کر رہے ہیں۔
عرب میڈیا کے مطابق، عمارت میں 100 سے زائد افراد موجود تھے، جن میں کچھ مقامی لوگ اور کچھ وہ افراد شامل تھے جو جبالیہ کیمپ سے جبری بے دخلی کے بعد پناہ لینے کے لیے وہاں آئے تھے۔
دوسری جانب لبنان میں بھی اسرائیلی حملے جاری ہیں، اور گزشتہ رات اسرائیلی فوج نے وادی بیقہ میں فضائی حملے کیے، جس کے نتیجے میں 60 افراد جان بحق اور 58 زخمی ہوئے۔
