کرکٹ آسٹریلیا نے خاتون کرکٹر کے ساتھ غیر مناسب سلوک پر سابق سری لنکن کرکٹر اور وکٹوریہ ویمن ٹیم کے سابق کوچ دلیپ سمارا ویرا پر 20 سال کی پابندی عائد کر دی ہے۔
رپورٹس کے مطابق، دلیپ سمارا ویرا نے کرکٹ وکٹوریہ کے ساتھ کام کرتے ہوئے کوڈ آف کنڈکٹ کی خلاف ورزی کی اور نامناسب رویے کا مظاہرہ کیا، جس کی وجہ سے ان پر یہ پابندی عائد کی گئی۔
اس پابندی کے تحت، دلیپ سمارا ویرا نہ تو کرکٹ آسٹریلیا میں اور نہ ہی کسی ریاستی کرکٹ ادارے میں کوئی عہدہ سنبھال سکیں گے۔
کرکٹ وکٹوریہ کے سی ای او نے کہا کہ کرکٹ آسٹریلیا اور کرکٹ وکٹوریہ تمام کھلاڑیوں کے لیے محفوظ ماحول فراہم کرنے کے عزم پر یقین رکھتے ہیں اور خاتون کرکٹر کی بہادری کی تعریف کرتے ہیں۔
دلیپ سمارا ویرا نے 1990 کی دہائی میں سری لنکا کے لیے 7 ٹیسٹ اور 5 ون ڈے میچز کھیلے اور 2008 میں کرکٹ وکٹوریہ کے ویمن پروگرام میں بیٹنگ کوچ کی حیثیت سے شمولیت اختیار کی۔ انہیں اس سال مئی میں وکٹوریہ کی ویمن ٹیم کا فل ٹائم کوچ مقرر کیا گیا تھا، لیکن انہوں نے چند دن بعد استعفیٰ دے دیا۔
