پاکستان اسٹاک ایکسچینج میں تیزی کا رجحان، 100 انڈیکس میں 1500 سے زائد پوائنٹس کا اضافہ
پاکستان اسٹاک ایکسچینج میں آج کاروبار کے دوران 100 انڈیکس میں تیزی دیکھی گئی، جو ایک موقع پر 1539 پوائنٹس کے اضافے کے ساتھ 82 ہزار پر پہنچ گیا۔
گزشتہ روز بھی اسٹاک مارکیٹ میں مثبت رجحان تھا، اور انڈیکس 970 پوائنٹس کے اضافے کے ساتھ 80 ہزار 461 پر بند ہوا۔
دوسری جانب، انٹر بینک مارکیٹ میں امریکی ڈالر کی قدر کم ہو گئی، جو 24 پیسے سستا ہو کر 277 روپے 80 پیسے کا ہو گیا۔ کل ڈالر کی قیمت 278 روپے 4 پیسے تھی۔
