امریکی صدر جو بائیڈن نے کہا ہے کہ پاک-امریکا تعلقات علاقائی استحکام اور سلامتی کے لیے اہم ہیں۔
امریکا میں پاکستان کے نئے سفیر رضوان سعید شیخ نے صدر بائیڈن کو اپنی سفارتی اسناد پیش کیں۔
اس موقع پر صدر بائیڈن نے کہا کہ امریکا چیلنجوں سے نمٹنے میں پاکستان کے ساتھ ہے اور دہشت گردی کے خلاف مشترکہ کوششوں کو سراہا۔
پاکستانی سفیر رضوان سعید شیخ نے کہا کہ پاک-امریکا اقتصادی شراکت داری ہماری ترجیح ہے اور پاکستان متبادل توانائی، گرین ٹیکنالوجی، اور دیگر شعبوں میں امریکی سرمایہ کاری کے لیے تیار ہے۔
