امریکی صدر جو بائیڈن نے کہا ہے کہ روسی صدر ولادیمیر پیوٹن یوکرین جنگ نہیں جیت سکیں گے۔
برطانوی وزیراعظم سر کیئر اسٹارمر نے حال ہی میں وائٹ ہاؤس میں صدر بائیڈن سے ملاقات کی۔ اس دوران، بائیڈن نے کہا کہ وہ پیوٹن کے بارے میں زیادہ نہیں سوچتے اور انہیں یقین ہے کہ روس یوکرین جنگ میں کامیاب نہیں ہوگا۔
برطانوی وزیراعظم اسٹارمر نے بھی اس موقع پر کہا کہ یوکرین جنگ کے حوالے سے اگلے چند ہفتے اور مہینے اہم ہیں اور امریکہ کے ساتھ خصوصی تعلقات کو مزید مضبوط کیا جائے گا۔
قبل ازیں، امریکی قومی سلامتی کے ترجمان جان کربی نے وضاحت کی تھی کہ وائٹ ہاؤس نے یوکرین پر امریکی میزائلوں کے ذریعے روس کے داخلی علاقوں پر حملے کی پابندی برقرار رکھی ہے، اور اس پالیسی میں فی الحال کوئی تبدیلی متوقع نہیں ہے۔
روس کے صدارتی ترجمان نے امریکی وضاحت پر ردعمل دیتے ہوئے کہا کہ صدر پیوٹن کا پیغام نتائج کے بارے میں متعلقہ افراد تک پہنچ چکا ہے۔
