اسرائیلی وزیراعظم نیتن یاہو کے وارنٹ اس ماہ جاری ہو سکتے ہیں، جنگی جرائم کے الزامات کے تحت۔
غیر ملکی میڈیا کے مطابق، عالمی عدالتِ جرائم کے پراسیکیوٹر کریم خان نے نیتن یاہو اور وزیرِ دفاع گیلینٹ کے وارنٹ گرفتاری جاری کرنے کی درخواست دی ہے۔ انہوں نے حماس کے رہنماؤں یحییٰ سنوار اور محمد دیف کے وارنٹس بھی طلب کیے ہیں۔
پراسیکیوٹر نے اپنی درخواست میں کہا ہے کہ وارنٹس کا فوری اجراء اس لیے ضروری ہے تاکہ ان افراد کی ممکنہ گرفتاری تفتیش یا عدالتی کارروائی میں رکاوٹ نہ بنے۔
خیال رہے کہ مئی میں بھی کریم خان نے نیتن یاہو اور گیلینٹ کے وارنٹس گرفتاری کے لیے درخواست دی تھی۔ جولائی میں دائر کردہ درخواست میں حماس کے تین رہنماؤں کو بھی نامزد کیا گیا تھا، لیکن حالیہ درخواست میں اسماعیل ہنیہ کا نام واپس لے لیا گیا ہے، جو ایران میں ہلاک ہو چکے ہیں۔
اسرائیلی میڈیا نے بھی رپورٹ کیا ہے کہ نیتن یاہو کے وارنٹس اس ماہ جاری ہونے کی توقع ہے۔
