بنگلا دیش کے سابق کرکٹ کپتان شکیب الحسن کے بعد، اب مشرفی مرتضیٰ کے خلاف بھی مقدمہ درج کر لیا گیا ہے۔
بنگلا دیشی میڈیا کے مطابق، سابق کپتان مشرفی مرتضیٰ پر طالب علموں پر حملے کے الزام میں مقدمہ دائر کیا گیا ہے۔ اس کیس میں 90 افراد نامزد کیے گئے ہیں، جن میں مشرفی مرتضیٰ بھی شامل ہیں۔
یہ مقدمہ حالیہ تحریک کے دوران طالب علموں پر حملوں کے حوالے سے دائر کیا گیا ہے۔ شیخ مصطفیٰ المضاہد الرحمٰن نے ناریل صدر پولیس اسٹیشن میں یہ کیس درج کرایا ہے، جس میں مشرفی مرتضیٰ کے والد بھی نامزد ہیں۔
یاد رہے کہ شکیب الحسن کے خلاف بھی بنگلا دیش میں قتل کے الزام میں مقدمہ درج ہے۔ شکیب الحسن پاکستان سے واپس نہ آکر، براستہ دبئی انگلینڈ چلے گئے تھے۔
مشرفی مرتضیٰ نے کرکٹ سے ریٹائرمنٹ کے بعد سیاست میں قدم رکھا اور 2018ء میں شیخ حسینہ واجد کی عوامی لیگ میں شامل ہوکر ضلع ناریل 2 سے رکنِ پارلیمنٹ منتخب ہوئے تھے۔
