پاکستان کرکٹ کے مستقبل کے لائحہ عمل کے تعین کے لیے ایک اعلیٰ سطحی اجلاس اور ورکشاپ منعقد کرنے کا فیصلہ کیا گیا ہے۔
چیئرمین پی سی بی محسن نقوی اس اجلاس کی صدارت کریں گے۔
ذرائع کے مطابق، اس اجلاس اور ورکشاپ کا نام “کنکشن کیمپ” رکھا گیا ہے، جو 22 ستمبر کو منعقد ہونے کا امکان ہے۔
اجلاس میں ریڈ اور وائٹ بال کے ہیڈ کوچز جیسن گلیسپی اور گیری کرسٹن، بین الاقوامی، ڈومیسٹک اور ہائی پرفارمنس کے سربراہان، سینئر کرکٹرز، کوچز، اور پی سی بی کے سینئر آفیشلز بھی شرکت کریں گے۔
اجلاس میں کنکشن کیمپ میں سامنے آنے والی تجاویز کی بنیاد پر مستقبل کے فیصلے کیے جائیں گے۔
گیری کرسٹن نے جولائی میں اپنی رپورٹ پیش کی تھی اور وطن واپس چلے گئے، جبکہ جیسن گلیسپی بنگلا دیش کے خلاف سیریز کے بعد آسٹریلیا واپس چلے گئے تھے۔
ریڈ اور وائٹ بال کے کوچز آپس میں بھی میٹنگز کریں گے اور کپتانوں کی تبدیلی کے حوالے سے بھی بات چیت کی جائے گی۔
ذرائع نے بتایا کہ دورۂ آسٹریلیا کے لیے پاکستان ٹیم کا نیا وائٹ بال کپتان بھی منتخب کیا جا سکتا ہے۔
