امریکی عدالت کے جج نے سابق صدر ڈونلڈ ٹرمپ کے خلاف کاروباری ریکارڈ میں جعلسازی کے کیس کا فیصلہ صدارتی انتخاب کے بعد تک ملتوی کر دیا ہے۔
ڈونلڈ ٹرمپ کو 18 ستمبر کو سزا سنائی جانی تھی، لیکن سابق صدر کے وکلا نے عدالت سے درخواست کی کہ فیصلہ دوبارہ ملتوی کیا جائے۔
غیر ملکی میڈیا کے مطابق، فیصلے میں 26 نومبر تک کی تاخیر ڈونلڈ ٹرمپ کے لیے ایک بڑی کامیابی سمجھی جا رہی ہے۔
رپورٹ کے مطابق، پراسیکیوٹر نے دعویٰ کیا ہے کہ سابق صدر نے مبینہ جنسی تعلقات کو چھپانے کے لیے فحش فلموں کی اداکارہ اسٹارمی ڈینیئلز کو دی گئی رقم کو ظاہر نہیں کیا تھا۔
ٹرمپ نے اس مقدمے کو متعصبانہ قرار دیتے ہوئے کہا ہے کہ کیس کو مسترد کر دینا چاہیے۔
