پاکستان میں اس سال ایک اور پولیو کیس رپورٹ ہوا ہے، جس کے بعد کیسز کی تعداد 17 ہوگئی ہے۔
قومی ادارہ صحت کے مطابق اسلام آباد کی یونین کونسل 4 میں ایک بچے میں پولیو وائرس کی تصدیق ہوئی ہے، جو کہ 16 سال بعد اسلام آباد میں رپورٹ ہونے والا پہلا کیس ہے۔
ادارے نے بتایا کہ جون کے ماحولیاتی نمونوں میں اسلام آباد اور راولپنڈی میں پولیو وائرس کی موجودگی پائی گئی ہے۔
وزیراعظم کی انسداد پولیو کی فوکل پرسن عائشہ رضا فاروق نے کہا کہ ایک اور پاکستانی بچہ پولیو سے متاثر ہوا، اور حکومت نے پولیو کے پھیلاؤ کو روکنے کے لیے جامع حکمت عملی تیار کی ہے۔
کوآرڈینیٹر نیشنل ایمرجنسی آپریشنز سینٹر انوار الحق نے بتایا کہ ہم ہر بچے تک پولیو ویکسین پہنچانے کی کوششیں تیز کر رہے ہیں۔
