انگلینڈ نے سری لنکا کو دوسرے ٹیسٹ میں 190 رنز سے شکست دے کر تین میچوں کی سیریز میں دو صفر کی برتری حاصل کر لی ہے۔
انگلینڈ کے جو روٹ نے دونوں اننگز میں سنچریاں اسکور کیں، جبکہ گس ایٹکنسن نے پہلی اننگز میں سنچری بنانے کے بعد دوسری اننگز میں پانچ وکٹیں حاصل کیں۔
لارڈز میں کھیل کے چوتھے دن، سری لنکا نے 483 رنز کے ہدف کے تعاقب میں اپنی نامکمل دوسری اننگز 53 رنز پر دو کھلاڑی آؤٹ سے دوبارہ شروع کی اور پوری ٹیم 292 رنز پر آؤٹ ہو گئی۔
سری لنکا کے دمتھ کرونا رتنے 55، دنیش چندیمل 58 اور دھننجایا ڈی سلوا 50 رنز بنا کر نمایاں رہے، جبکہ نویں نمبر پر بیٹنگ کرنے والے ملن رتنائیکے نے 43 رنز بنائے۔
انگلینڈ کے گس ایٹکنسن نے 62 رنز دے کر پانچ کھلاڑیوں کو آؤٹ کیا، جبکہ کرس ووکس اور اولی اسٹون نے دو، دو وکٹیں لیں۔
