پاکستان اور بنگلا دیش کے درمیان راولپنڈی میں کھیلے جا رہے دوسرے ٹیسٹ کے چوتھے روز کا کھیل کم روشنی کی وجہ سے چائے کے وقفے کے بعد روک دیا گیا۔
بنگلا دیش نے ٹاس جیت کر فیلڈنگ کا فیصلہ کیا اور پاکستان کو 185 رنز کا ہدف دیا۔ ہدف کے تعاقب میں بنگلا دیش نے دوسری اننگز میں بغیر کسی نقصان کے 42 رنز بنا لیے ہیں۔ انہیں کامیابی کے لیے مزید 143 رنز درکار ہیں۔ ذاکر حسن 31 اور شادمان اسلام 9 رنز پر ناٹ آؤٹ ہیں۔
پاکستان کی دوسری اننگز میں پوری ٹیم 172 رنز بنا کر آؤٹ ہو گئی۔ محمد رضوان اور سلمان علی آغا نے اہم اننگز کھیلیں؛ محمد رضوان نے 43 رنز بنائے جبکہ سلمان علی آغا 47 رنز پر ناٹ آؤٹ رہے۔ دیگر کھلاڑیوں میں عبداللہ شفیق 3، صائم ایوب 20، شان مسعود 28، بابر اعظم 11، سعود شکیل اور ابرار احمد 2، 2 رنز اور میر حمزہ 4 رنز پر آؤٹ ہوئے۔ خرم شہزاد اور محمد علی بغیر کوئی رن بنائے پویلین لوٹ گئے۔
بنگلا دیش کی جانب سے حسن محمود نے 5، ناہید رانا نے 4 اور تسکین احمد نے ایک وکٹ حاصل کی۔
پہلی اننگز میں پاکستان 274 رنز بنا کر آل آؤٹ ہوگیا۔ صائم ایوب نے 58، شان مسعود نے 57 اور سلمان علی آغا نے 54 رنز بنائے۔ بنگلا دیش کی جانب سے مہدی حسن میراج نے 5، تسکین احمد نے 3 جبکہ شکیب الحسن اور ناہید رانا نے ایک ایک وکٹ حاصل کی۔
بنگلا دیش کی پہلی اننگز میں 261 رنز پر آل آؤٹ ہوگئی۔ لٹن داس کی سنچری اور مہدی حسن کے 78 رنز نے ٹیم کو مشکل صورتحال سے نکالا۔ پاکستان کی جانب سے خرم شہزاد نے 6، میر حمزہ اور سلمان علی آغا نے 2، 2 وکٹیں لیں جبکہ ابرار احمد کوئی وکٹ نہیں لے سکے۔
