چین میں شیزیگوان کا تیرتا ہوا پل انجینئرنگ کا ایک حیرت انگیز اور نایاب نمونہ ہے۔
اس پل کو “خوابوں کا پل” بھی کہا جاتا ہے، جو جدید ڈیزائن کی بنیاد پر بنایا گیا ہے۔ 400 میٹر لمبا یہ پل 2.8 ٹن وزن تک کی گاڑیوں کو دریائے کنجیانگ کی سطح پر سے دوسری جانب لے جانے کی سہولت فراہم کرتا ہے۔
یہ پل وسطی چین کے ہوبی صوبے کے اینشی پریفیکچر میں جنگلوں سے ڈھکے پہاڑوں کے درمیان واقع ہے اور شیزیگوان چین کے خوبصورت اور قدرتی مقامات میں شمار ہوتا ہے۔
یہ پل دیگر متاثر کن مقامات سے اس لیے مختلف ہے کہ یہ دریا کی سطح پر تیرتا ہوا ہے، جس سے گاڑی چلانے والوں کو دریا کے پانی پر موجود دلکش مناظر دیکھنے کا موقع ملتا ہے۔
اس پل کو جرمن ٹیکنالوجی کے ذریعے بنایا گیا ہے تاکہ گاڑیوں کو الٹنے سے بچایا جا سکے اور یہ 2016 سے گاڑیوں اور پیدل چلنے والوں کے لیے فعال ہے۔
پل کی مضبوطی کے لیے پانی سے بھرے ہوئے ہائی ڈینسٹی پولی تھیلین کا استعمال کیا گیا ہے، جو دریا کی سطح پر تیرتا رہتا ہے۔
ڈرائیوروں کے لیے ضروری ہے کہ وہ 20 کلومیٹر فی گھنٹہ کی رفتار سے گاڑی چلائیں، تاکہ گاڑی کے نیچے صرف دریا کے پانی کا ہلکا سا جھٹکا محسوس ہو۔
