کیپیٹل ہل حملہ کیس میں پہلے ملزم مائیکل اسپارکس کو 4 سال اور 5 ماہ قید کی سزا اور 2000 ڈالر جرمانے کا حکم سنا دیا گیا۔ ڈسٹرکٹ کورٹ نے سزا کے بعد اسپارکس کو مزید 3 سال تک نگرانی میں رکھنے کی بھی ہدایت کی۔
امریکی اخبار کے مطابق، مارچ میں وفاقی جیوری نے اسپارکس کو شہری بے نظمی کا مجرم قرار دیا تھا۔ یاد رہے کہ 6 جنوری کو کیپیٹل ہل میں موجودگی کے باعث اسپارکس پر کئی معمولی جرائم کا الزام بھی تھا۔
کیپیٹل ہل پر حملے کے دوران مائیکل اسپارکس اور ان کے دوستوں کی ایک ویڈیو وائرل ہوئی تھی، جس میں وہ بار بار کہہ رہے تھے کہ “ہم اس عمارت میں داخل ہو چکے ہیں۔” حملے سے تین روز قبل، اسپارکس نے سوشل میڈیا پر ایک پوسٹ میں کہا تھا کہ “وقت آ گیا ہے کہ ان باغیوں کو باہر نکالا جائے۔”
