آسٹریلیا کی بگ بیش لیگ اور ویمن بگ بیش لیگ کے لیے پاکستان کے کسی کرکٹر کی پری سائنگ نہیں ہو سکی۔
کرکٹ آسٹریلیا نے بگ بیش لیگ اور ویمن بگ بیش لیگ کے ڈرافٹ کے لیے حتمی نامزدگیوں کا اعلان کر دیا ہے، جس میں 593 مرد و خواتین کھلاڑی یکم ستمبر کو ہونے والے ڈرافٹ میں شامل ہوں گے۔
بی بی ایل اور ویمن بی بی ایل کے لیے کسی پاکستانی کرکٹر کی پری سائنگ نہیں ہوئی، حالانکہ بی بی ایل ڈرافٹ کے لیے پاکستان کے 80 مرد و خواتین کھلاڑیوں کی نامزدگیاں ہوئیں، جن میں حارث رؤف، شاداب خان، فخر زمان، زمان خان، عماد وسیم، فاطمہ ثنا، ندا ڈار، اور عالیہ ریاض شامل ہیں۔
مین اور ویمن بی بی ایل میں 16 کھلاڑیوں کی پری سائنگ ہوئی، جن میں ساوتھ ایشیا سے بھارت کی سمرتی مندھنا اور سری لنکا کی چماری اتاپتو بھی شامل ہیں۔
