منی لانڈرنگ کیس میں عدالتی احکامات کے تحت پاکستان تحریک انصاف کے رہنما مونس الٰہی کا شناختی کارڈ بلاک کر دیا گیا ہے۔
ایف آئی اے لاہور کے ترجمان نے تصدیق کی کہ عدالتی احکامات کے مطابق مونس الٰہی کا شناختی کارڈ بلاک کر دیا گیا ہے اور ان کا پاسپورٹ بھی کنٹرول لسٹ میں شامل کر دیا گیا ہے۔
ترجمان نے مزید بتایا کہ مونس الٰہی کے ساتھ دیگر 6 ملزمان کے شناختی کارڈز بھی بلاک کر دیے گئے ہیں۔
یاد رہے کہ چند روز قبل احتساب عدالت نے مونس الٰہی کے شناختی کارڈ کو بلاک کرنے اور ان کی جائیدادیں قبضے میں لینے کے احکامات جاری کیے تھے۔ عدالت نے اس سے قبل مونس الٰہی سمیت 9 ملزمان کی جائیدادیں منجمد کرنے کے احکامات بھی دیے تھے۔
