وفاقی وزیر داخلہ محسن نقوی نے بلوچستان میں دہشتگردی کے واقعات پر ردعمل دیتے ہوئے کہا کہ مکمل تحقیقات کے حقائق اور شواہد کے ساتھ سامنے لائیں گے۔
انہوں نے کہا کہ تخریب کاری کے یہ واقعات پاکستان کو عدم استحکام سے دوچار کرنے کی سازش ہیں، اور دشمن ایک منصوبے کے تحت ملک میں انارکی پیدا کرنا چاہتا ہے۔
محسن نقوی نے بتایا کہ قانون نافذ کرنے والے اداروں کی بروقت کارروائی سے 12 دہشتگرد مارے گئے، اور بلوچستان میں امن کے قیام کے لیے ہر ممکن اقدامات کیے جائیں گے۔
وزیر داخلہ کا کہنا تھا کہ دہشتگردوں اور ان کے سہولت کاروں کے لیے کوئی پناہ نہیں ہوگی۔ بلوچستان حکومت کے ساتھ مسلسل رابطے میں ہیں، اور امن کی فضا کو برقرار رکھنے کے لیے مؤثر اقدامات کیے جا رہے ہیں۔ انہوں نے شہدا کے لواحقین سے اظہار یکجہتی کرتے ہوئے کہا کہ دہشتگردی کے مکمل خاتمے تک جنگ جاری رہے گی، اور بلوچستان میں امن و امان کی صورتحال کی مسلسل نگرانی کی جا رہی ہے۔
