وفاقی وزیر خزانہ محمد اورنگزیب نے مشیر اقتصادی اور مالیاتی اصلاحات مقرر کرنے کا فیصلہ کیا ہے۔
خزانہ ڈویژن کے مطابق، اس عہدے کے لیے خواہشمند امیدواروں سے 9 ستمبر 2024 تک درخواستیں طلب کی گئی ہیں، جو نیشنل جاب پورٹل کے ذریعے آن لائن جمع کرائی جائیں گی۔
کامیاب امیدوار کو اسپیشل پروفیشنل پے اسکیل ون کے تحت تنخواہ ملے گی، جو 15 سے 20 لاکھ روپے ماہانہ مقرر ہے۔ مشیر کی تقرری دو سال کے لیے اقتصادی اور مالیاتی اصلاحات یونٹ میں کی جائے گی۔
خزانہ ڈویژن کے مطابق، امیدوار کے لیے کم از کم تعلیمی قابلیت فنانس، اکنامکس یا متعلقہ شعبے میں ماسٹر ڈگری ہونا ضروری ہے۔ شارٹ لسٹ کیے گئے امیدواروں کو انٹرویو کے لیے بلایا جائے گا۔
مزید بتایا گیا ہے کہ مشیر کو کارکردگی کی بنیاد پر دو سالہ کنٹریکٹ کے بعد توسیع مل سکتی ہے۔
