سیکیورٹی ذرائع کے مطابق بلوچستان میں 24 اور 25 اگست کی رات دہشتگردوں نے متعدد مقامات پر بزدلانہ حملے کیے۔
ذرائع کا کہنا ہے کہ سیکیورٹی فورسز اور قانون نافذ کرنے والے ادارے اِن حملوں کا مؤثر جواب دے رہے ہیں، اور جوابی کارروائیوں میں اب تک 12 دہشتگرد ہلاک ہو چکے ہیں جبکہ متعدد دہشتگرد زخمی بھی ہوئے ہیں۔
سیکیورٹی ذرائع کا مزید کہنا ہے کہ دہشتگردوں کے خاتمے تک سیکیورٹی فورسز کے آپریشنز جاری رہیں گے۔
یاد رہے کہ گزشتہ رات بھی دہشتگردوں نے بلوچستان کے علاقوں قلات اور موسیٰ خیل میں حملے کیے، جن میں معصوم شہریوں اور فورسز کے جوانوں کو شہید کیا گیا۔ موسیٰ خیل میں 23 افراد کو گاڑیوں سے اتار کر شہید کیا گیا اور متعدد گاڑیوں کو نذر آتش کر دیا گیا جبکہ قلات میں فائرنگ کر کے پولیس اور لیویز کے 10 اہلکاروں کو شہید کیا گیا۔
