بھارتی وزیراعظم نریندر مودی کے طیارے کی پولینڈ سے بھارت واپسی کے دوران پاکستانی فضائی حدود کے استعمال کا انکشاف ہوا ہے۔
سول ایوی ایشن ذرائع کے مطابق، نریندر مودی کا طیارہ پولینڈ سے نئی دہلی جاتے وقت صبح 10 بج کر 15 منٹ پر پاکستان کی فضائی حدود میں داخل ہوا اور 11 بج کر 1 منٹ پر بھارت کی فضائی حدود میں داخل ہوا۔
ذرائع کا کہنا ہے کہ مودی کا طیارہ 46 منٹ تک پاکستان کی فضائی حدود میں رہا، چترال کے اوپر سے داخل ہو کر اسلام آباد اور لاہور کے ایئر کنٹرول ایریاز سے گزرتا ہوا، آخر کار امرتسر کے قریب بھارت میں داخل ہوا۔
