اسپیشل سینٹرل عدالت لاہور نے منی لانڈرنگ کیس میں پی ٹی آئی رہنما مونس الٰہی اور دیگر 5 اشتہاری ملزمان کے شناختی کارڈز اور پاسپورٹ بلاک کرنے کا حکم جاری کر دیا۔
مونس الٰہی اور دیگر اشتہاری ملزمان کے خلاف منی لانڈرنگ کے کیس کی سماعت اسپیشل سینٹرل عدالت لاہور کے جج تنویر احمد نے کی۔ عدالت نے ملزمان کے نام پاسپورٹ کنٹرول لسٹ میں شامل کرنے کا بھی حکم دیا۔
اشتہاری ملزمان میں مونس الٰہی، فراست علی چٹھہ، امتیاز علی شاہ، عامر سہیل، اور عامر فیاض شامل ہیں۔
عدالت نے مونس الٰہی اور ضیغم عباس کی جائیدادیں اور بینک اکاؤنٹس منجمد کرنے کا حکم بھی دیا، جس میں قصور میں مونس الٰہی کی 26 کنال اراضی اور لاہور کے گلبرگ میں واقع ایک پلاٹ اور گھر شامل ہیں۔
عدالت نے عملدرآمد رپورٹس طلب کرتے ہوئے سماعت 19 ستمبر تک ملتوی کر دی۔
