امریکا کے ڈیموکریٹک نیشنل کنونشن کے باہر فلسطینیوں کے حق میں مظاہرہ کیا گیا۔ مظاہرین نے اسرائیل کی جانب سے فلسطینیوں کی نسل کشی کے خلاف آواز اٹھائی اور غزہ میں فوری جنگ بندی کا مطالبہ کیا۔
رپورٹس کے مطابق، اس احتجاج میں بڑی تعداد میں لوگ شریک ہوئے اور مظاہرین نے غزہ میں جاری حملوں کے خاتمے کے لیے نعرے لگائے۔
اسی دوران، امریکی شہر شکاگو میں بھی اسرائیلی قونصلیٹ کے باہر مظاہرہ ہوا، جہاں پولیس نے 55 مظاہرین کو گرفتار کر لیا۔
یاد رہے کہ اسرائیل کے غزہ پر حملوں کے نتیجے میں، جو 7 اکتوبر سے جاری ہیں، شہید ہونے والوں کی تعداد 41 ہزار تک پہنچ چکی ہے، جن میں اکثر خواتین اور بچے شامل ہیں۔
