پاکستان نے زمین سے زمین تک مار کرنے والے بیلسٹک میزائل شاہین ٹو کا کامیاب تجربہ کیا ہے۔
آئی ایس پی آر کے مطابق، یہ میزائل زمین سے زمین تک مار کرنے کی صلاحیت رکھتا ہے۔ تجربے کا مقصد تربیت اور تکنیکی پیرا میٹرز کی جانچ کرنا تھا۔
اس تربیتی لانچ کا مشاہدہ اسٹریٹجک پلانز ڈویژن، آرمی اسٹریٹجک فورسز کمانڈ، اور سائنسدانوں و انجینئرز کے سینئر افسران نے کیا۔
ڈائریکٹر جنرل اسٹریٹجک پلانز ڈویژن نے تکنیکی مہارت اور لگن کی تعریف کی۔ صدر مملکت آصف علی زرداری اور وزیراعظم شہباز شریف نے اس کامیابی پر سائنسدانوں اور انجینئرز کو مبارکباد دی، جبکہ چیئرمین جوائنٹ چیفس آف اسٹاف کمیٹی اور سروسز چیفس نے بھی انہیں مبارکباد پیش کی۔
