قومی ائیر لائن پی آئی اے نے کراچی سے جدہ اور مدینہ منورہ کے لیے کرایوں میں 30 فیصد کمی کا اعلان کیا ہے۔
اب کراچی سے جدہ اور مدینہ منورہ کے لیے یکطرفہ کرایہ، بشمول ٹیکس، 56 ہزار روپے ہوگا، اور یہ فیصلہ فوری طور پر نافذ العمل ہوگا۔
ترجمان پی آئی اے کے مطابق کراچی سے جدہ اور مدینہ منورہ کے لیے دو طرفہ کرایہ بشمول ٹیکس 88 ہزار روپے مقرر کیا گیا ہے۔
مزید برآں، رعایتی کرایوں پر ٹکٹ 31 اگست 2024 تک حاصل کیے جا سکیں گے، اور ان ٹکٹوں پر 30 ستمبر 2024 تک سفر کیا جا سکے گا۔ رعایتی کرایے فوراً لاگو ہو چکے ہیں۔
