بالی وڈ اداکار ابھیشیک بچن نے اہلیہ اداکارہ ایشوریا رائے کے ساتھ طلاق کی خبروں پر آخرکار ردعمل دے دیا ہے۔
ٹائمز آف انڈیا کی رپورٹ کے مطابق، ابھیشیک بچن نے حال ہی میں بالی وڈ یوکے میڈیا کو ایک انٹرویو دیا، جس میں طلاق کی گردش کرتی خبروں کے بارے میں سوال کیا گیا۔ اداکار نے جواب دیا کہ ان کے پاس اس موضوع پر زیادہ کچھ کہنے کو نہیں ہے، اور یہ کہ میڈیا خبر کو کوئی اور رنگ دے دیتا ہے۔ انہوں نے کہا، “آپ لوگوں کو اپنی ویب سائٹس یا اخباروں کے لیے اسٹوریز چاہئیں، لیکن کوئی بات نہیں، ہم سلیبریٹیز ہیں اور ہمیں یہ سب برداشت کرنا پڑے گا۔”
ابھیشیک بچن نے اپنی شادی کی انگوٹھی دکھائی اور کہا، “دیکھیں، میں اب بھی شادی شدہ ہوں۔”
یاد رہے کہ گزشتہ ایک سال سے دونوں اداکاروں کے درمیان علیحدگی کی خبریں گردش کر رہی ہیں، خاص طور پر امبانی خاندان کے چھوٹے بیٹے اننت امبانی کی شادی کے موقع پر۔ اس سے قبل ایشوریا رائے کے بچن ہاؤس چھوڑنے اور امیتابھ بچن کے سوشل میڈیا پر انہیں ان فالو کرنے کی خبریں بھی سامنے آئی تھیں۔
ابھیشیک بچن اور ایشوریا رائے کی شادی 2007 میں ہوئی تھی اور ان کی بیٹی ارادھیا کی پیدائش 2011 میں ہوئی۔
