گورنر خیبرپختونخوا فیصل کریم کنڈی نے کہا ہے کہ پی ٹی آئی کے بانی عمران خان حکومت سے این آر او کی درخواست کر رہے ہیں، لیکن حکومت انہیں این آر او نہیں دے گی۔ انہوں نے یہ بات صوابی میں پیپلز پارٹی کے رہنما بلال شیرپاؤ کے چچا کے انتقال پر تعزیت کے لیے پہنچنے کے بعد جیو نیوز سے بات کرتے ہوئے کہی۔
گورنر نے وضاحت کی کہ عمران خان کے مقدمات کا فیصلہ عدالتوں نے کرنا ہے۔ انہوں نے مزید کہا کہ مولانا فضل الرحمان کی کامیابی یہ ہے کہ اسد قیصر ہر دوسرے دن ان کے پاس آتے ہیں، اور مولانا فضل الرحمان بھی مشکلات کا سامنا کر رہے ہیں۔
عدم اعتماد کی تحریک کے حوالے سے گورنر خیبرپختونخوا نے بتایا کہ پیپلز پارٹی پی ٹی آئی کے خلاف عدم اعتماد کی تحریک میں ساتھ نہیں دے گی، اور ہمارا مسلم لیگ ن کے ساتھ اتحاد مضبوط ہے۔
