اسرائیل نے رات کے اوقات میں غزہ کے مختلف علاقوں پر بمباری کی، جس کے نتیجے میں 8 فلسطینی شہید ہو گئے۔
غیر ملکی میڈیا کے مطابق، اسرائیل نے جنوبی، وسطی، اور شمالی غزہ کے علاقوں میں موجود گھروں اور خیموں پر بمباری کی، جس کی وجہ سے شہادتوں کی تعداد میں اضافہ ہوا۔
اسی دوران، امریکی وزیر دفاع نے اطلاع دی ہے کہ اسرائیل کے دفاع کے لیے F22 لڑاکا طیارے بھی خطے میں پہنچ گئے ہیں۔
امریکی انتظامیہ کے ایک سینئر عہدیدار نے نام ظاہر نہ کرنے کی شرط پر برطانوی خبر ایجنسی کو بتایا کہ اگر ایران نے اسرائیل پر حملہ کیا تو سنگین نتائج کا سامنا کرنا پڑے گا۔
دوسری جانب، قطر، مصر، اور امریکہ نے غزہ میں جنگ بندی کے لیے حماس اور اسرائیل کو 15 اگست کو مذاکرات شروع کرنے کی دعوت دی ہے۔
