تحریک انصاف کے رہنما اور اپوزیشن لیڈر عمر ایوب نے کہا ہے کہ 9 مئی اور 18 مارچ کے واقعات پی ٹی آئی کو پھنسانے کی سازش تھے۔
برطانوی نشریاتی ادارے کو انٹرویو دیتے ہوئے عمر ایوب نے دعویٰ کیا کہ جب ان واقعات کی سی سی ٹی وی ویڈیوز منظر عام پر آئیں گی تو حقیقت واضح ہو جائے گی۔ ان کا کہنا تھا کہ حکمران جماعتوں نے مذاکرات کا اختیار محمود خان اچکزئی کو دیا ہے، جو کسی سے بھی مذاکرات کر سکتے ہیں، تاہم ابھی تک کسی سے بات چیت نہیں ہوئی۔
عمر ایوب نے مزید کہا کہ بیوروکریٹس پہلے بنگلادیش ماڈل کی بات کرتے تھے، اور اب دیکھ لیں کہ اس ماڈل میں کیا ہوا۔
