پیرس اولمپکس کے مینز جیولین تھرو ایونٹ کے فائنل میں ارشد ندیم نے 92.97 میٹر کی تھرو کرکے نیا اولمپک ریکارڈ قائم کیا اور پاکستان کو گولڈ میڈل جتوایا۔
پیرس اولمپکس کے مینز جیولین تھرو ایونٹ کے فائنل میں پوری قوم کی نظریں ارشد ندیم پر مرکوز تھیں، جو اولمپکس میں 32 سال بعد پاکستان کو میڈل دلانے کی واحد امید تھے۔
جیولین تھرور ارشد ندیم نے 40 سال بعد پاکستان کو اولمپکس میں گولڈ میڈل جتوایا— فوٹو: پیرس اولمپکس
یاد رہے کہ پاکستان نے آخری بار 8 اگست 1992 کو اولمپکس کے پوڈیم پر قدم رکھا تھا، جب قومی ہاکی ٹیم نے بارسلونا اولمپکس میں نیدرلینڈز کو 4-3 سے شکست دے کر کانسی کا تمغہ جیتا تھا، جبکہ پاکستان نے آخری گولڈ میڈل 1984 کے اولمپکس میں جیتا تھا، جو ہاکی ٹیم نے دلایا تھا۔
جیولین تھرور ارشد ندیم نے 40 سال بعد پاکستان کو اولمپکس میں گولڈ میڈل جتوایا
ارشد ندیم نے اپنی دوسری تھرو میں 92.97 میٹر کی تھرو کرکے نیا اولمپک ریکارڈ بنا دیا— فوٹو: رائٹرز
ارشد ندیم پاکستان کو انفرادی مقابلوں میں گولڈ میڈل دلانے والے پہلے ایتھلیٹ بن گئے ہیں۔
آج کے فائنل مقابلے میں ٹرینیڈاڈ اینڈ ٹیباگو کے کیشور نے پہلی تھرو 86.16 میٹر کی جبکہ پاکستان کے ارشد ندیم اپنی پہلی تھرو نہ کر سکے۔ جرمنی کے جیولین ویبر بھی اپنی پہلی تھرو نہ کر سکے۔
فن لینڈ کے لاسی نے 78.81 میٹر کی پہلی تھرو کی جبکہ بھارت کے نیرج چوپڑا کی پہلی تھرو ضائع ہو گئی۔ فن لینڈ کے اولیور ہیلینڈر نے پہلی تھرو 80.92 میٹر کی کی۔
جمہوریہ چیک کے جیکب ویلیج نے دوسری تھرو 84.52 میٹر کی۔
جیولین تھرو کے فائنل مقابلے میں بھارت نے چاندی اور گرینیڈا نے کانسی کا تمغہ حاصل کیا۔
جیولین تھرور ارشد ندیم نے 40 سال بعد پاکستان کو اولمپکس میں گولڈ میڈل جتوایا
ارشد ندیم نے نیا اولمپک ریکارڈ بنا دیا— فوٹو: رائٹرز
ان کے بعد پاکستان کے ارشد ندیم نے اپنی دوسری تھرو میں 92.97 میٹر کی تھرو کرکے نیا اولمپک ریکارڈ بنا دیا۔ یہ تھرو مقابلے کی سب سے بہترین تھرو ثابت ہوئی۔
اس سے قبل اولمپک ریکارڈ 90.57 میٹر کا تھا، جو ناروے کے اینڈریاس تھورکلڈیسن نے 2008 کے بیجنگ اولمپکس میں بنایا تھا۔
جرمنی کے جیولین ویبر نے اپنی دوسری تھرو میں 87.33 میٹر کی تھرو کی۔ بھارت کے نیرج چوپڑا نے اپنی دوسری تھرو میں 89.45 میٹر کی تھرو کی۔
پیرس اولمپکس کے مینز جیولین تھرو فائنل کے دوسرے راؤنڈ میں فن لینڈ کے ایٹیلاٹو نے 82.02 میٹر کی پہلی تھرو کی۔
ٹرینیڈاڈ اینڈ ٹیباگو کے کیشور نے دوسرے راؤنڈ میں 78.96 میٹر کی تھرو کی جبکہ کینیا کے جیولیس یگو نے 84.90 میٹر کی تھرو کی۔
گرینیڈا کے اینڈرسن نے دوسرے راؤنڈ میں 88.54 میٹر کی تھرو کی۔ بھارت کے نیرج چوپڑا کی دوسری تھرو ضائع ہو گئی۔
پاکستان کے ارشد ندیم نے دوسرے راؤنڈ میں 79.40 میٹر کی تھرو کی۔ بھارت کے نیرج چوپڑا کی دوسری اور تیسری تھرو بھی ضائع ہو گئیں جبکہ ارشد ندیم نے اپنی تیسری تھرو میں 91.79 میٹر کی تھرو کی۔
