بانیٔ پی ٹی آئی اور بشریٰ بی بی کے خلاف 190 ملین پاؤنڈ کے ریفرنس کی سماعت آخری مراحل میں داخل ہو گئی ہے۔
آج احتساب عدالت کے جج ناصر جاوید رانا اس کیس کی سماعت کریں گے، اور بانیٔ پی ٹی آئی اور بشریٰ بی بی عدالت میں پیش ہوں گے۔
نیب کے آخری گواہ میاں عمر ندیم پر وکلاء صفائی آج جرح مکمل کریں گے۔
بانیٔ پی ٹی آئی کی جانب سے ظہیر عباس چوہدری، عثمان ریاض گل، اور خالد یوسف چوہدری عدالت میں پیش ہوں گے، جبکہ نیب ٹیم پراسیکیوٹر جنرل سردار مظفر عباسی کی سربراہی میں موجود ہوگی۔
نیب نے 59 گواہان میں سے 24 کو ترک کر دیا ہے، اور اب تک 35 گواہان کے بیانات قلمبند کیے جا چکے ہیں، جبکہ 34 پر جرح مکمل ہو چکی ہے۔
