آئی سی سی ٹی ٹوئنٹی ورلڈ کپ میں پاک بھارت میچ کے ٹکٹس کی قیمتیں بہت زیادہ ہوگئی ہیں۔
نیو یارک اسٹیڈیم کے ڈائمنڈ کلب کے ٹکٹ کی قیمت 20 ہزار ڈالر یعنی 56 لاکھ پاکستانی روپے ہے، عام اسٹینڈ کے ٹکٹ کی قیمت 2 ہزار 750 ڈالر یعنی تقریباً 8 لاکھ روپے تک پہنچ گئی ہے۔
انڈین پریمیئر لیگ (آئی پی ایل) کے سابق سربراہ للت مودی نے مہنگے ٹکٹس کی فروخت پرآئی سی سی کو آڑے ہاتھوں لے لیا۔
للت مودی نے سوشل میڈیا پر جاری ردعمل میں پاک بھارت میچ کی ٹکٹس کی زیادہ قیمت پر حیرت کا اظہار کیا اور کہا کہ آئی سی سی کی پاک بھارت میچ سے صرف پیسہ بنانے کی نیت ظاہر ہورہی ہے۔
للت مودی نے سوال اٹھایا کہ امریکا میں ورلڈ کپ کا مقصدفینز کو انگیج کرنا ہے یا صرف پیسے کمانا؟
یاد رہے کہ ٹی ٹوئنٹی ورلڈ کپ میں پاکستان اور بھارت کے درمیان میچ 9 جون کو نیویارک میں کھیلا جائے گا۔
