بنگلادیش کی سابق وزیراعظم شیخ حسینہ واجد کی بھانجی اور برطانیہ میں انسداد بدعنوانی کی وزیر، ٹیولپ صدیق نے بنگلادیش میں کرپشن کے الزامات کے باعث اپنے عہدے سے استعفیٰ دے دیا۔
غیر ملکی میڈیا کے مطابق، ٹیولپ صدیق برطانوی حکومت میں فنانشل سروسز اور اینٹی کرپشن کی وزیر تھیں، مگر انہوں نے بنگلادیش میں جاری کرپشن اسکینڈل میں ملوث ہونے کے الزامات پر استعفیٰ دیا۔
رپورٹس کے مطابق، بنگلادیش میں سابق وزیراعظم شیخ حسینہ واجد کے خلاف منی لانڈرنگ سے متعلق تحقیقات جاری ہیں، اور دسمبر 2024 میں ٹیولپ صدیق کا نام بھی ان تحقیقات میں شامل ہوا تھا۔
حسینہ واجد کے خاندان پر الزام ہے کہ انہوں نے ڈھاکا کے ایک مضافاتی علاقے میں قیمتی پلاٹوں پر بڑے پیمانے پر قبضہ کیا، جس سے حسینہ واجد اور ان کے خاندان نے فائدہ اٹھایا۔
