امریکا کی نیشنل سکیورٹی کے ترجمان جان کربی نے کہا کہ پاکستان کبھی بھی امریکا کا ٹیکنیکل اتحادی نہیں رہا اور نہ ہی اس طرح کا کوئی معاہدہ ہوا ہے۔
واشنگٹن میں پریس کانفرنس کے دوران جان کربی نے کہا کہ دہشت گردی کے خطرات سے نمٹنے کے لیے پاکستان کے ساتھ شراکت داری رہی ہے۔
انہوں نے مزید کہا کہ پاکستانی عوام سرحد پار سے آنے والی دہشت گردی کے تشدد کا شکار ہیں، اور دہشت گردی کے خطرات سے نمٹنے کے لیے پاکستان کے ساتھ کام کرنے کا عزم برقرار رہے گا، تاہم پاکستان کبھی بھی امریکا کا ٹیکنیکل اتحادی نہیں رہا۔
