ایپل انکارپوریشن آج اپنی نئی آئی فون 16 سیریز لانچ کرنے جا رہی ہے، جس میں چار ماڈلز شامل ہیں: آئی فون 16، 16 پلس، 16 پرو، اور 16 پرو میکس۔ یہ ماڈلز ایپل کی جنریٹیو آرٹیفیشل انٹیلیجنس ٹیکنالوجی سے لیس ہوں گے۔
صارفین کافی عرصے سے اس سیریز کے لانچ کا بے صبری سے انتظار کر رہے ہیں، جبکہ اس کے ڈیزائن، فیچرز اور قیمتوں کے حوالے سے مختلف خبریں میڈیا میں زیرِ گردش ہیں۔
حال ہی میں سامنے آنے والی ایک رپورٹ کے مطابق، آئی فون 16 کا انٹری ماڈل 799 ڈالرز (تقریباً 2 لاکھ 23 ہزار پاکستانی روپے) سے شروع ہوگا، جبکہ آئی فون 16 پلس کی قیمت 899 ڈالرز (تقریباً 2 لاکھ 51 ہزار پاکستانی روپے) ہوگی۔ آئی فون 16 پرو کی قیمت 1099 ڈالرز (تقریباً 3 لاکھ 7 ہزار روپے) سے شروع ہوگی، اور پرو میکس ماڈل کی قیمت 1199 ڈالرز (تقریباً 3 لاکھ 35 ہزار روپے) ہوگی۔
یہ قیمتیں امریکی مارکیٹ کے لیے ہیں، جبکہ پاکستانی صارفین کو کسٹم ڈیوٹی اور اضافی ٹیکسز کی وجہ سے اس سے زیادہ قیمت ادا کرنے کے لیے تیار رہنا ہوگا۔
آئی فون 16 سیریز کے تمام ماڈلز کل سے مارکیٹ میں دستیاب ہوں گے۔
