ماہرین نے انکشاف کیا ہے کہ زمین کے سمندروں کے مقابلے میں ایک وسیع زیرِ زمین پانی کا ذخیرہ موجود ہے، جو ان سمندروں سے تین گنا بڑا ہے۔
رپورٹس کے مطابق، محققین نے زمین کی سطح کے نیچے ایک وسیع سمندر دریافت کیا ہے جو زمینی سمندروں سے تین گنا زیادہ پانی رکھتا ہے۔ یہ زیرِ زمین پانی کا ذخیرہ تقریباً 660 کلو میٹر یا 400 میل کی گہرائی میں ‘رِنگ ووڈائٹ’ نامی چٹان میں موجود ہے، جبکہ کچھ رپورٹس کے مطابق یہ 700 میل نیچے بھی ہو سکتا ہے۔
ماہرین نے ‘مینٹل راک’ میں ایک غیر روایتی اسپنج جیسی حالت میں پانی کی موجودگی کا پتہ چلایا ہے۔ سائنسی تحقیق کے مطابق، یہ پانی کی ذخیرہ زمین کی سطح پر آنے کے بجائے ارضیاتی سرگرمیوں کے ذریعے نیچے ٹھہر گیا ہوگا۔
مزید برآں، ماہرین کا کہنا ہے کہ یہ زیرِ زمین پانی نہ تو ٹھوس، مائع، یا گیس کی صورت میں ہے، بلکہ ایک نئی چوتھی حالت میں، جسے پلازما کہا جا سکتا ہے۔ اسٹیو جیکبسن، ماہرینِ ارضیات کے پینل کے سربراہ، نے وضاحت کی ہے کہ ‘رنگ ووڈائٹ’ ایک اسپنج کی طرح پانی کو جذب کر لیتا ہے اور اس کے کرسٹل ڈھانچے کی خصوصیات اسے ہائیڈروجن کو اپنی طرف متوجہ کرنے کی صلاحیت دیتی ہیں۔
