انٹرنیٹ کی بندش کی وجہ سے 2023 میں پاکستان کی معیشت کو 65 ارب روپے کا نقصان برداشت کرنا پڑا۔
اس دوران 8 کروڑ 30 لاکھ پاکستانی متاثر ہوئے، جبکہ انٹرنیٹ کی بندش کا مجموعی دورانیہ 259 گھنٹے رہا، جو حالیہ اعدادوشمار میں درج ہے۔
دلچسپ بات یہ ہے کہ گزشتہ مالی سال کے دوران پاکستان اس نقصان کے حوالے سے دنیا میں ساتویں نمبر پر رہا۔ اٹیٹسٹا، ایک جرمن آن لائن ادارہ، جو اعدادوشمار اکٹھا کرنے میں ماہر ہے، نے یہ معلومات فراہم کی ہیں۔
گزشتہ سال سب سے طویل مدت کے لیے انٹرنیٹ کی بندش کا شکار بھارت رہا، جہاں 47 کروڑ صارفین کے لیے انٹرنیٹ کی سہولت معطل رہی۔ بھارت عالمی سطح پر انٹرنیٹ کی بندش کے معاملے میں چوتھے نمبر پر ہے۔
مالی نقصان کے اعتبار سے روس پہلے نمبر پر ہے، جہاں 1350 گھنٹے انٹرنیٹ سروس بند رہی اور مالی نقصان کا تخمینہ 4 ارب ڈالرز لگایا گیا۔ یہاں 11 کروڑ 30 لاکھ صارفین متاثر ہوئے۔
بھارت میں مالی نقصان کا تخمینہ 8 ارب پاکستانی روپے لگایا گیا، جس سے 5 کروڑ 90 لاکھ صارفین متاثر ہوئے۔ بھارت میں انٹرنیٹ کی سب سے زیادہ بندش مقبوضہ کشمیر اور راجستھان میں دیکھی گئی، جہاں انٹرنیٹ کو عوامی احتجاج روکنے یا نسلی کشیدگی کے تناظر میں بند کیا گیا۔
