سندھ حکومت نے آج شہدائے کربلا کے چہلم کے موقع پر کراچی، حیدرآباد، لاڑکانہ، سکھر، اور خیرپور سمیت بڑے شہروں میں موبائل فون سروس معطل کرنے کا اعلان کیا ہے۔
سندھ کے علاوہ ملک بھر کے حساس علاقوں میں بھی موبائل سروس بند رہنے کا امکان ہے۔
امن و امان کی صورتحال کے پیش نظر چہلم کے دوران سیکیورٹی کے سخت انتظامات کیے گئے ہیں، اور جلوسوں کی فضائی نگرانی بھی کی جائے گی۔
کراچی کے مختلف علاقوں میں رات سے موبائل فون سروس بند ہے، جن میں نارتھ کراچی، نیو کراچی، ناظم آباد، لیاقت آباد، تین ہٹی، پی آئی بی، ایم اے جناح روڈ، صدر، لائنز ایریا، اور ملیر شامل ہیں۔
