محکمہ موسمیات نے کراچی میں آج تیز ہواؤں کے ساتھ بارش کی توقع ظاہر کی ہے۔
محکمہ موسمیات کے مطابق، سندھ کے مختلف علاقوں میں آج شام یا رات کے وقت بارش ہو سکتی ہے، جس میں جیکب آباد، دادو، جامشورو اور کراچی شامل ہیں جہاں تیز ہواؤں کے ساتھ بارش کا امکان ہے۔
محکمہ موسمیات نے آج بالائی خیبر پختونخوا اور پنجاب کے کچھ علاقوں میں بھی تیز بارش کی پیش گوئی کی ہے۔
محکمہ موسمیات کے مطابق، اسلام آباد، راولپنڈی اور لاہور سمیت پنجاب کے کئی علاقوں میں بارش ریکارڈ کی گئی، جبکہ جڑواں شہروں میں صبح کے وقت تیز بارش ہوئی۔ ضلع خوشاب میں بھی موسلا دھار بارش ہوئی۔
ادھر لاہور کے علاقوں گڑھی شاہو، لکشمی چوک، مال روڈ، باغبان پورہ، دھرم پورہ، گلشن راوی اور اقبال ٹاؤن میں بھی بارش ہوئی۔
