اسرائیل کی جانب سے غزہ میں کیے جانے والے قتلِ عام کے بعد کولمبیا نے اسرائیل کو کوئلے کی فراہمی روک دی۔
کولمبیا کے صدر گسٹاوو پیٹرو نے کہا ہے کہ فلسطینی بچوں کے قتل میں استعمال ہونے والے بموں میں کولمبیا کا کوئلہ شامل ہے۔
جون میں بھی کولمبیا نے اسرائیل کو کوئلے کی فراہمی روک دی تھی۔ امریکی خبر ایجنسی کی رپورٹ کے مطابق، اسرائیل نے پچھلے سال کے ابتدائی 8 ماہ میں کولمبیا سے 320 ملین ڈالرز مالیت کا کوئلہ خریدا۔ اسرائیل اپنی ضروریات کا 50 فیصد کوئلہ کولمبیا سے درآمد کرتا ہے۔
کولمبیا کے صدر نے اسرائیل کے اقدامات پر سفارتی تعلقات ختم کرنے کا بھی اعلان کیا تھا۔ پیٹرو اسرائیلی وزیراعظم نیتن یاہو کی سخت تنقید کرتے ہیں اور عالمی عدالت انصاف میں اسرائیل کے خلاف نسل کشی کے مقدمے میں فریق بننے کی درخواست بھی کر چکے ہیں۔
