شمالی اور شمال مغربی بھارت میں طوفانی بارشوں کی وجہ سے 28 افراد ہلاک ہو گئے۔
بھارتی میڈیا کے مطابق، حالیہ چند دنوں کی شدید بارشوں کے باعث شمالی اور شمال مغربی بھارت میں لینڈ سلائیڈنگ، گھر گرنے، اور دیگر حادثات میں 28 افراد جان کی بازی ہار گئے، جبکہ کچھ علاقوں میں سیلاب کی صورتحال بھی ہے۔
رپورٹ کے مطابق، سب سے زیادہ ہلاکتیں ریاست راجستھان میں ہوئیں، جہاں 16 افراد ہلاک ہوئے، اور صرف اتوار کو 14 افراد کی موت ہوئی۔ بھارتی پنجاب میں بھی بارشوں کے نتیجے میں ایک ندی کے تیز بہاؤ میں گاڑی بہ گئی، جس سے 9 افراد ہلاک ہوئے، جن میں 8 ایک ہی خاندان کے تھے، جبکہ 2 افراد ابھی تک لاپتہ ہیں۔
ریاست ہماچل پردیش میں بھی بارشوں اور سیلاب سے 3 لڑکیاں جاں بحق ہو گئیں، اور لینڈ سلائیڈنگ کی وجہ سے 200 سے زائد سڑکیں بند ہیں۔ ریاست ہریانہ میں، طوفانی بارشوں نے یامونہ نگر ضلع میں دریا کا بند توڑ دیا، جس کے نتیجے میں کئی گاؤں زیر آب آ گئے اور فصلیں بھی متاثر ہوئیں۔ حکام نے ڈیزاسٹر رسپانس فورس کو طلب کر لیا ہے۔
