ملک میں ڈیجیٹل سروسز کے آغاز کے مثبت نتائج سامنے آئے ہیں، جس سے ملکی ریونیو گروتھ میں 200 فیصد سے زائد اضافہ ہوا ہے۔
آڈیٹر جنرل آف پاکستان کی رپورٹ کے مطابق، ایکسائز اینڈ ٹیکسیشن ڈپارٹمنٹ نے 2020-2021 میں ڈیجیٹل اقدامات کیے، جن سے ریونیو گروتھ میں 114 فیصد اضافہ ہوا۔ 2021-2022 میں یہ گروتھ 267 فیصد تک پہنچ گئی، جبکہ مالی سال 2022-2023 میں ریونیو گروتھ 242 فیصد تک بڑھ گئی۔
رپورٹ میں بتایا گیا کہ ڈیجیٹل اقدامات سے قبل 2019-2020 میں ریونیو گروتھ میں 63 فیصد، 2018-2019 میں 83 فیصد، اور مالی سال 2017-2018 میں 76 فیصد سالانہ اضافہ ہوا تھا۔
رپورٹ کے مطابق، مالی سال 2021-2022 کے مقابلے میں 2022-2023 میں ریونیو گروتھ میں کچھ کمی دیکھی گئی، جس کی وجہ نئی رجسٹریشن پر ٹیکس کی شرح میں اضافہ ہے، خاص طور پر اسلام آباد میں۔
آڈیٹر جنرل کی رپورٹ میں مزید بتایا گیا کہ آڈٹ سروے میں 76 فیصد ٹیکس دہندگان ڈیجیٹل سروسز سے واقف تھے اور تقریباً 98 فیصد نے انہیں مفید قرار دیا۔
