عوامی رائے کے ادارے گیلپ پاکستان نے نیا سروے جاری کیا ہے۔
سروے، جو 28 جون سے 10 جولائی کے درمیان کیا گیا، میں 700 سے زائد افراد سے رائے لی گئی۔ گیلپ پاکستان کے سروے میں معلوم ہوا کہ 60 فیصد پاکستانی فیس بک، انسٹاگرام اور ٹک ٹاک سمیت دیگر سماجی رابطوں کی ایپس سے دور ہیں اور ان کے پاس کوئی اکاؤنٹ نہیں ہے۔
دوسری جانب، 40 فیصد لوگوں نے ان ایپس پر اکاؤنٹ ہونے اور بھرپور استعمال کرنے کی تصدیق کی۔
سروے کے نتائج کے مطابق، 30 سال سے کم عمر کے 62 فیصد پاکستانی نوجوان ان ایپس پر زیادہ فعال ہیں، جبکہ 30 سال سے زائد عمر کے صرف 30 فیصد افراد ان ایپس پر متحرک ہیں۔
پاکستانی مردوں کا سوشل میڈیا ایپس کے استعمال میں خواتین سے آگے ہیں، جہاں مردوں میں 45 فیصد اور خواتین میں 35 فیصد نے فیس بک، انسٹاگرام اور ٹک ٹاک استعمال کرنے کا بتایا۔
مزید یہ کہ 22 فیصد پاکستانیوں نے ایپس کے ذریعے آن لائن دوست بنانے کا ذکر کیا، جبکہ 76 فیصد نے کہا کہ انہوں نے کوئی آن لائن دوستی نہیں کی۔
