یوٹیلیٹی اسٹورز کارپوریشن نے چینی کی قیمتوں میں اضافے کا فیصلہ کر لیا ہے۔
ذرائع کے مطابق، وزیرِ اعظم پیکیج کے تحت چینی کی فی کلو قیمت میں 5 روپے اضافہ کیا جائے گا۔ اس فیصلے کے بعد، یوٹیلیٹی اسٹورز پر سبسڈی کے بغیر چینی کی قیمت بھی فی کلو 5 روپے بڑھ جائے گی۔
یوٹیلیٹی اسٹورز پر چینی کی فروخت جو کئی ہفتوں سے بند تھی، وزیرِ اعظم پیکیج کے تحت دوبارہ شروع کر دی گئی ہے۔
چینی کی نئی قیمتوں کا اطلاق آج سے ہوگا، اور عام صارفین کے لیے یوٹیلیٹی اسٹورز پر چینی کی فی کلو قیمت 160 روپے ہوگی۔
ذرائع نے بتایا ہے کہ ٹرانسپورٹیشن چارجز میں اضافے کے باعث چینی کی قیمتوں میں اضافہ کیا گیا ہے۔
