ڈیرہ اسماعیل خان میں سرچ آپریشن کیلئے جانے والے پولیس قافلے پر حملہ کے نتیجے میں ایک کوئک ری ایکشن فورس کے ڈرائیور اور ایک کانسٹیبل زخمی ہوگئے۔
پولیس کی رپورٹ کے مطابق، ٹانک روڈ پر فارم ہاؤس کے قریب نامعلوم افراد نے سڑک کے کنارے نصب آئی ای ڈی کے دھماکے کے بعد فائرنگ کی۔
پولیس اسکواڈ پر حملے کے بعد فائرنگ کا جوابی تبادلہ ہوا، جس کے بعد حملہ آور فرار ہوگئے۔ دھماکے اور فائرنگ کے نتیجے میں ایک گاڑی کو نقصان پہنچا۔
پولیس کے مطابق، علاقے کو گھیرے میں لیکر سرچ آپریشن بھی کیا گیا ہے۔
