غیر ملکی میڈیا کے مطابق، اسرائیل کو غزہ میں بچوں کے حقوق کی سنگین خلاف ورزیوں کی بنا پر بلیک لسٹ میں شامل کیا گیا ہے۔
عرب میڈیا کے مطابق، روس، افغانستان، صومالیہ، شام، یمن، داعش، اور بوکو حرام بھی اسی بلیک لسٹ میں شامل ہیں۔ اقوام متحدہ کی رپورٹ جون کے آخر تک جاری کی جائے گی۔
ورلڈ ہیلتھ آرگنائزیشن (ڈبلیو ایچ او) کی جانب سے بتایا گیا ہے کہ غزہ میں کم از کم 5 میں سے 4 بچے 72 گھنٹوں میں سے ایک دن بھی خوراک کے بغیر رہے ہیں۔
دوسری جانب، یو این کے انسانی حقوق کے عہدیدار نے اسرائیل کو بلیک لسٹ میں شامل کرنے کا خیر مقدم کیا ہے۔
فرانسسکا البانیز کا کہنا ہے کہ غزہ میں اسرائیلی حملوں میں 15 ہزار فلسطینی بچے مارے گئے ہیں، اسرائیل کو بچوں کیخلاف سنگین جرائم پر بلیک لسٹ میں شامل کرنے کا اقدام تاخیر سے ہوا۔
