غزہ میں اسرائیل کی بمباری سے 80 فیصد سے زائد اسکول اور تمام یونیورسٹیاں تباہ ہوگئی ہیں

غزہ میں اسرائیلی بمباری سے 80 فیصد سے زیادہ اسکول اور تمام یونیورسٹیاں تباہ ہو گئی ہیں۔ غیر ملکی خبر رساں ادارے کے مطابق، 17 جنوری کو اسرائیلی بمباری سے غزہ میں بچنے والی آخری یونیورسٹی بھی ملبے کا ڈھیر بن گئی۔ صیہونی بمباری میں غزہ کے 80 فیصد سے زیادہ اسکول تباہ ہو گئے۔ دوسری جانب، اسرائیل نے غزہ پر بمباری کرکے مزید 60 فلسطینیوں کو شہید کردیا ہے۔ جبالیہ پناہ گزیں کیمپ میں ملبے سے 20 بچوں سمیت 70 افراد کی لاشیں برآمد ہوئی ہیں۔ رفح میں اسرائیلی فوج کے پے درپے حملوں سے کوئی علاقہ بھی محفوظ نہیں رہا۔ غیر ملکی خبر رساں ادارے کے مطابق، اسرائیلی فوج نے رفح کے گنجان آباد علاقوں میں حملے تیز کردیے ہیں اور اسی دوران پیش قدمی کرتے ہوئے ٹینک رہائشی عمارتوں پر گولہ باری کرتے رہے۔