فلسطینی رہنما مصطفیٰ برغوتی نے کہا ہے کہ اسرائیل نے فلسطینی اتھارٹی کے تمام اختیارات ختم کر دیے ہیں۔
عرب میڈیا کے مطابق، مصطفیٰ برغوتی نے بتایا کہ اسرائیلی فوج نے گزشتہ رات رام اللّٰہ شہر پر حملہ کیا، اور رام اللّٰہ کے مرکزی بازار کو نذرِ آتش کر دیا۔
مصطفیٰ برغوتی کا کہنا ہے کہ رام اللّٰہ کے ایکسچینج دفاتر سے رقم چوری کر لی گئی ہے اور اسرائیلی قبضے نے فلسطینی اتھارٹی کے تمام اختیارات ضبط کر لیے ہیں۔
امریکی میڈیا کے مطابق رفح میں اسرائیلی حملے میں امریکی ساختہ بم استعمال کیا گیا۔
واضح رہے کہ مغربی کنارے کے شہروں کا انتظام فلسطینی اتھارٹی کے سپرد تھا۔
غزہ پر اسرائیلی حملے کے بعد سے مغربی کنارے میں بھی اسرائیلی آپریشن جاری ہے۔
